من ازلدن عاشق شاه خراسان اولموشام
بیر تهی قالب رفیق حضرت جان اولموشام
آرزو ایلر رضاجان ع عاشقین هر لحظه ده
سن یاتان منزلگهه گورسم کی قربان اولموشام
سن الیمدن دوتموسان ای ضامن آهو که من
فخریله درگاهیزه مرغ غزل خوان اولموشام
باطنیم مسروریدور سایه نده مولا دلخوشام
اشک شوقیمدور بئله ظاهرده گریان اولموشام
گر قبول ائتسن سیزین بیر عمریدور مداحیزام
حاجتیم واردور اورکده دست به دامان اولموشام
هانسی شهدور که گدانی یول ورر دربارینه
بو بسیمدور فخر ائدم مهمان سلطان اولموشام
چوخلی کشورلر ائدر غبطه خراسان ملکونه
شکر اولا ذات خدایه اهل ایران اولموشام
"طائر" جانیم بو مدحتده تاپوب شوق حرم
لطف ایله منده گوروم سلطانه مهمان اولموشام
تقریر ۵ آذر ۱۳۹۹
- جمعه
- 29
- بهمن
- 1400
- ساعت
- 20:29
- نوشته شده توسط
- طائر
- شاعر:
-
طائر اورنگی
ارسال دیدگاه